Ål kyrkjelege fellesråd treng ein organistvikar som kan spele i gudstenester, gravferder, vigsler og anna i perioden 10. mars til 30. september 2027.
Ål kommune ligg i Hallingdal prosti og det er god forbindelse både til Oslo og Bergen. Her er gode høve til friluftsliv og det er eit aktivt kulturliv i bygda og i kyrkja. Ål har 5000 innbyggarar fordelt på tre sokn; Leveld, Torpo og Ål. Ved Ål kyrkjekontor er det totalt 8,5 årsverk inkl. prestar fordelt på 12 stillingar.
Kyrkjekontoret og Ål kyrkje er plassert sentralt på Ål. I tillegg til organist består staben av kyrkjeverje, kyrkjelydspedagog, diakon, kyrkjetenarar, sekretærar, kyrkjemusikarar, reinhaldar, sokneprest og kapellan. Ål er prostesete i Hallingdal.
Vår gode organist skal ha permisjon og Ål kyrkjelege fellesråd søkjer etter ein vikar som kan spele i våre gudstenester, gravferder, vigsler, og ymse arrangement i perioden 10. mars til 30. september 2027. Me tilbyr gjerne full stilling, men er opne for fleksible løysingar viss søkjar ynskjer noko redusert stilling.
Eit særeige prosjekt i Ål kyrkje er vårt folkemusikkgudsteneste-prosjekt med eigen utvikla liturgi. Er du musikar og glad i folkemusikk så er dette eit gyllent høve til å spele kyrkjemusikk i folkemusikkdrakt både åleine og i samspel med dyktige musikarar.
Arbeidsoppgåver
- Planlegging, øving og speling på gudstenester, gravferder, vigsler. Helgearbeid og høgtidsdagar er ein naturleg del av stillinga.
- Leie og spele til kantoriøvingar/salmekveldar
- Ta del i kyrkjelege arrangement inkl. andakter på sjukeheim, korsang m.m.
- Vere kontaktperson for musikalsk samarbeid og konsertar i kyrkja, inkludert Folkemusikkveka i mai
- Organisten tek del i stabsmøter og planleggingsmøter med øvrig stab på kyrkjekontoret
Kvalifikasjonar
- Relevant musikalsk utdanning og/eller erfaring, gjerne frå kyrkjemusikalsk arbeid
- Medlemskap i Den norske Kyrkja er ynskjeleg, men ikkje eit krav ved mellombels tilsetting
- Søkjar må ha førarkort og disponere eigen bil
- Tilfredsstillande politiattest må leggast fram ved tilsetting
Me ser etter fylgjande eigenskapar
- Gode musikalske evner
- Gode samarbeids- og kommunikasjonsevner
- Me ynskjer at du er strukturert og tilpasningsdyktig
- Personleg eignaheit vil spele inn i tilsettinga
Me tilbyr
- Eit godt arbeidsfellesskap
- Fleksibel arbeidskvardag, men med noko kontortid og planlegging
- Lønn etter utdanning og ansiennitet i tråd med Hovedtariffavtala i Den norske kyrkja
Målform i Ål kommune er nynorsk.
Meir om stillinga hjå kyrkjeverje Kristoffer Krohn Sævre 48441575 eller ks259@kyrkja.no
Søknad sendes via e-post til ks259@kyrkja.no eller via link i annonse på kirkejobb.no.
Søknadsfrist 15. november 2026
Oppstart 10. mars 2027